Am Spëtzematch vum Weekend e Samschdeg den Owend huet den Volleyball Iechternach an der Hal zu Waldbëlleg dem nach ongeschloene Leader VC Luerenzweiler d' Liewe richteg schwéier gemaach a sech e wichteg Punkt am Kampf em Playoffs geséchert. Domatt ass elo de VC Stroossen nach déi eenzeg Ekipp ouni Punktverloscht. De Champion konnt sech ouni Problemer zu Fenteng behaapten. Wöineg Problemer hat och de Volley Bartreng géint Esch iwwerdeems de VC Belair nom Sazgewënn d'lescht Woch zu Stroossen och dem CHEV Dikrech e Saz ofhuele konnt.
Am Championnat bäi den Dammen haten d' Gym, de VC Mamer an d'Residence Walfer wéineg Schwieregkeeten mat hire respektive Géigner, Volleyball Iechternach, CHEV Dikrech a VC Stengefort. Mat vill Spannung gouf op de Match tëscht dem Volley Bartreng an dem Volley80 Péiteng gekuckt. Hei konnte sech déi Pétenger iwweraschent kloer duerchsetzen. Virun allem am zweeten an drëtte Saz haten Spillerinnen reonderem d' Passeus Julie Teso keng Chance de Match nach emol ze dréinen.
